Был призван в Советскую Армию в 1941 году. Воевал в звании гвардии рядового на Донском, Западном, Белорусском фронтах. В числе его наград: медали "За Боевые Заслуги", "За Оборону Кавказа", орден "Отечественной Войны I Степени" и др. Освобождал такие города как Сталинград, Штеттин, Гданьск, Волен, Белосток, Остроленка, Кёнигсберг и др. Дошёл до Берлина. Его младший брат Хасан также участвовал в войне, в составе 275 стрелковой дивизии, находясь вместе с односельчанином Хамадой Бляниховым. Вернулся живым с войны как и Хасит. Также участие в освобождении родины принимали и 5 двоюродных братьев Хасита: Цацу, Аубекир и Музакир погибли на войне а Исмаил и Медон Хамгоковы вернулись живыми.

В дни подготовки к 65-летию Великой Победы в Нальчикской школе №20 вспоминали об учителе-наставнике, участнике Великой
Отечественной войны Хасите Хамгокове. Более сорока лет он проработал в сфере образования завучем, затем директором школы. Неоднократно избирался депутатом сельского и городского советов.
- Хасит Увжукович прожил большую и интересную жизнь. Прошел фронтовыми дорогами, видел смерть и страдание, но сумел сохранить столько тепла, чтобы обогреть сотни детских сердец, - рассказывает заслуженный учитель КБР Любовь Кенетова.
- Он воевал под Сталинградом, дошел до Берлина, но военная биография закончилась только в декабре 1946-го. Его форму украшали ордена и медали, когда он вернулся в Кенже. Окончив Нальчикский педагогический институт, преподавал в родной школе.
На фронт Х. Хамгокова направили в первый день войны. Служил сапером, затем - минером, минометчиком.
- Он редко рассказывал о пережитом, но
мысленно еще долго возвращался в сороковые-роковые, признаваясь родным, что от мирной тишины, от житейских забот стала затихать его «музыка войны», - продолжает рассказ о коллеге Любовь Хадзимурзаевна. - Уроки родного языка, которые он вел, становились уроками жизни и прозрения для большинства кенженцев. Много времени Хасит Увжукович посвящал школьному драматическому театру. Общение в театре духовно обогащало школьников, в этом заключался особый воспитательный прием учителя, который понимал, что отличником не может быть каждый, а вот хорошими людьми должны стать все.
Выпускники школы помнят, как умел он разговаривать с провинившимися. Заведет в свой рабочий кабинет, где все по-армейски просто, аккуратно, посмотрит в глаза и по-отечески спросит: «Не стыдно ли?» И сам скажет, как с следовало поступить. Такая беседа запоминалась, и всякий понимал, что на самом деле учитель заботится о нем, о его будущем.
День Победы был для Хасита Увжуковича
главным праздником. Двери в доме распахнуты для гостей - соседи, ученики, коллеги, односельчане шли поздравить человека, победившего войну. Он сам удивлялся, откуда черпает силы, чтобы жить, работать, помогать людям.
И считал, что это новое поколение ведет его за
собой, а он просто помогает молодым прокладывать в жизни верный путь. Человек высокого долга, скромный, отзывчивый, он всегда служил примером для коллег. По его стопам идет и дочь - учитель физики высшей квалификационной категории Аминат Пафифова. Она более сорока лет работает в школе № 9 г. Баксана. Дочь и коллеги ее отца помнят слова Хасита Увжуковича: «Надо с достоинством пройти все испытания, преодолеть все трудности, чтобы понять цену настоящему счастью».

КъэзыцIыхухэм пщIэ къыхуащIу дунейм тетащ Кэнжэ къуажэм щалъхуа Хьэмгъуокъу Хьэсит.
Абы лэжьэн щIидзащ 1936 гъэм. Абы щыгъуэ езыри еджэрт, колхозхэтхэм щIэныгъэ яригъэгъуэту ликбезми хэтт. 1939 гъэм ар ирагъэблагъэ «Социалистическэ Къэбэрдей-Балъкъэр» газетым и редакцэм. Хьэсит щытащ корреспонденту, къудамэм и унафэщIу. Абы зыкъигъэлъэгъуащ журналист жыджэру, зи IэнатIэм еш имыщIэу пэрыт лэжьакIуэу.
Хьэсит журналист IэщIагъэр фIыуэ илъагъурт икIи абы ирилэжьэну хуейт, ауэ а зэманым республикэм и жылагъуэхэм къыщызэIуах школхэм егъэджакIуэхэр яхурикъуртэкъыми, ар Вольнэ Аул дэт школым егъэджакIуэу ягъакIуэ. Апхуэдэу щыт пэтми, абы газетым хуиIэ пыщIэныгъэр зэпигъэуакъым. Ар гуапэу ятетхыхьырт егъэджакIуэ нэхъыфIхэм, колхозхэт пашэхэм.
Школым щылажьэми, редакцэм игъэзэжын мурадыр иIэт Хьэсит, ауэ а хъуэпсапIэр Хэку зауэшхуэм къызэпиудащ. Хьэмгъуокъур 1942 гъэм дзэм ираджащ икIи ар яхыхьащ Хэкур зыхъумэхэм. А лъэхъэнэм Хьэсит партым хагъэхьэ. Япэу ар зауэм щыIухьар Сталинград дежщ. А зэхэуэ иным щыщIидзэри, Германием и щIыналъэм нэс кIуащ. АдыгэлI хахуэм зэрихьа лIыгъэхэм папщIэ къыхуагъэфэщащ Хэкум и дамыгъэ лъапIэ зэмылIэужьыгъуэу 13.
1946 гъэм къыщыщIэдзауэ пенсэм кIуэху ар егъэджакIуэу щытащ. Абы щыщу илъэс 15-кIэ завучу, 8-кIэ пщыхьэщхьэ школым и директору лэжьащ.
Газетым хуиIэ пыщIэныгъэри зэи зэпыуакъым, илъэс куэдкIэ щытащ штатым хэмыт корреспонденту. Редакцэм и пщэ ирилъхьа Iуэху игъэзащIэу ар куэдрэ щыплъагъунут промышленнэ, мэкъумэш IуэхущIапIэхэм. Итххэри хъарзынэу къехъулIэрти, ахэр газетым къытехуэрт. Iуэхугъуэ куэд къыщиIэтырт Хьэсит и тхыгъэхэм. Ауэ псом хуэмыдэу Хьэмгъуокъур дэзыхьэхыр ди хабзэм, гъэсэныгъэм, еджэныгъэм теухуа Iуэхугъуэхэрт. Апхуэдэу щIыщытри Хьэсит илъэс 40-м щIигъукIэ школым зэрыщылэжьарауэ къыщIэ-кIынт.
— Сэ срогушхуэ, — жиIэрт Хьэмгъуокъум, — езгъэджахэм щIэныгъэлIхэр, къулыкъущIэхэр, IэщIагъэлIхэр, лэжьакIуэ пашэхэр къазэрыхэкIам.
Хьэсит езым и гъэсэнхэм щытепсэлъыхькIэ еш ищIэртэкъым. Абы и напщIэ телът иригъэджа и къуажэгъухэу Тау Пщыкъан, Бекъул Мухьэмэд, ЖьэкIэмыхъухэ Мусэбий, Хьэжмудин, Хьэсэн, Унэжокъуэ Борис, Тау Борис, Мамий Башир сымэ, нэгъуэщIхэри здынэса лъагапIэхэр.
Жылагъуэ лэжьыгъэм пымыщIауэ уи нэгу къыпхущIэгъэхьэртэкъым Хьэмгъуокъум и гъащIэр. Ар 1958 гъэм къыщыщIэдзауэ Кэнжэ къуажэ Советым и депутату щытащ, абы щIалэгъуалэм ядэлэжьэнымкIэ и комиссэм хэтащ, еджакIуэхэм, къуажэдэс щIалэгъуалэм куэдрэ яIущIэрт, я ущиякIуэфIт.
Хьэмгъуокъу Хьэсит цIыхухэр зэхъуапсэ унагъуэкIи Тхьэр къыхуэупсат — и щхьэгъусэ Къалэгуащи къуажэм пщIэ щызиIа цIыхубзщ. Я бынихми я адэ-анэр ягъэукIытакъым, абыхэм я щапхъэ дахэм ирикIуащ.

Апхуэдущ зэрыщытар Кэнжэ къуажэм къыщалъхуа, Хэку зауэшхуэми лэжьыгъэми я ветеран Хьэмгъуокъу Хьэсит Увжыкъуэ и къуэр. Къуажэм япэу къыщызэIуахауэ щыта школыр ехъулIэныгъэкIэ 1940 гъэм къиухащ абы. ФIыуэ еджэ щIалэ жаныр комсомолми нэхъ пасэу хагъэхьащ. Школым щыщIэса гъэхэм ар къуажэдэс къулыкъущIэхэм дэIэпыкъуэгъу яхуэхъуу щытащ, щIэныгъэ зыбгъэдэмылъхэм защIэгъэкъуэнымкIэ. Хьэсит колхозхэтхэм тхэкIэ, еджэкIэ яригъащIэрт. А лэжьыгъэм дихьэха щIалэщIэм
мурад ищIат школыр къиухмэ, щIэныгъэ
нэхъыщхьэ зригъэгъуэтыну икIи 1940 гъэм
Хьэмгъуокъур щIэтIысхьащ Къэбэрдей-Балъкъэр пединститутым. Ауэ ар къиухыну хунэсакъым - Хэку зауэшхуэр къэхъейри, еджэныр IэщIыб ищIын хуей хъуащ. Совет щIалэгъуалэ мелуанхэм хуэдэу,
Хьэмгъуокъу Хьэсити игу быдэу ирилъхьат и Хэкур ихъумэжыным и къару псори ирихьэлIэну. А зэманыр и нэгу къыщIигъэхьэжурэ, Хьэсит мыпхуэдэу къиIуэтэжащ:
- 1941 гъэм мэкъуауэгъуэм и 25-м Дзэ
Плъыжьым драджащ, Сталинград областым щыщ Дубки къалэм мазитI хуэдизкIэ сапёру дыщрагъэджа нэужь, 57-нэ полкым сыхэту Сталинград къалэм дагъэкIуащ. Россошкэ щIыпIэм деж бийм гуащIэу дыщезэуащ. Ди штабым и унафэкIэ къалэн тщащIат Царыцэ псым и Іуфэм лагъымхэр жэщым щIэтлъхьэну, нэмыцэхэр къызэпрымыкIын папщIэ. Ди къалэныр дгъэзэщIауэ дыкъыздэкIуэжым, бийм щIилъхьа лагъымым дыжьэхэуэри, ди
взводым и командир Комаровыр, нэгъуэщI сэлэтитI, сэ сраеплIанэу уIэгъэ дыхъуащ. Ди сэлэтхэм абдеж дыкъыIуахащ, кхъуафэжьейкIэ Индыл (Волгэ) псым дызэпрашри, уIэгъэщым
дыщIагъэгъуэлъхьащ. Ди къалэныр дагъуэншэу зэрыдгъэзэщIам папщIэ си гъусахэми сэри «Хахуагъэм папщIэ» дамыгъэр къытхуагъэфэщащ».
И узыншагъэр зэтеувэжа нэужь, Ивановскэ областым щыщ Ковров къалэм дэт шуудзэм хагъэхьащ ар. «Катюша» ІэщэщIэр къызэрагъэсэбэп щIыкIэр щрагъащIэ курсхэм мазитIкIэ щеджа нэужь, Маршал Рокоссовскэр зи командующэу щыта етIуанэ Белорус фронтым ягъэкIуащ икIи 4-нэ топгъауэ бригадэм хэту, щапхъэ игъэлъагъуэу, щIыпIэ куэдым бийм щыпэщIэтащ. Остроленкэ, Белосток, Гданьск, Волен, Кёнигсберг, Штецен, нэгъуэщI къалэ, къуажэ куэд хуит къэщIыжыным и гуащIэшхуэ хэлъащ Хьэмгъуокъум.
Хьэсит Хэку зауэшхуэм щилъэгъуахэм ятеухуауэ ущеупщікіэ, и гуапэу икlи гъэщIэгъуэну къыпхуиlуэтэжырти нэгущIэкIахэр. Псом хуэмыдэу ар куэдрэ ятепсэлъыхьыжырт нэмыцэ зэрыпхъуакIуэхэм
Польшэр къыщыIэщIагъэкIыжым ди зауэлIхэм зэрахьа лIыхъужьыгъэм, игъуса зауэлIхэм, и ныбжьэгъуфIу щытахэм.
1944 гъэм Гданьск фашистхэр щыдахужым, абы и ныбжьэгъу Нагаев Пётррэ Хьэситрэ щIалитI я гъусэу тIасхъэщIэх ягъэкIуат, а зэуапIэм бийм щиIэ къарум щыгъуазэ зыхуащIын мурадкIэ. Абыхэм къаубыда нэмыцэ офицерым жэуап къритащ абыхэм я упщIэ псоми. Іуэхур зыIутым щыгъуазэ хъуа командирхэм я унафэкіэ пщэдджыжьым топышэкIэ бийм хэуащ, Гданьск къалэри хуит къащIыжащ. Гданьск деж щекIуэкIа зауэ гуащIэм лIыгъэм и щапхъэ къыщагъэлъэгъуащ Хьэсит зыхэта топгъауэ бригадэм. Етуанэ Белорус фронтым Іуту миномёт бригадэр Штеттин къалэм дыхьащ, икIи абы щыфIадзащ ТекIуэныгъэм и бэракъыр.
Хьэмгъуокъу Хьэсит, псэ хьэлэл зиIэ, акъыл жан зыбгъэдэлъ зауэлI хахуэм, Хэку зауэшхуэм щызэрихьа лIыгъэхэм къапэкIуащ Хэку зауэ орденым и етIуанэ нагъыщэр, «Хахуагъэм папщIэ» мадалыр, нэгъуэщI дамыгъэ лъапIэхэр, щытхъу тхылъхэр.
1946 гъэм Хьэмгъуокъур дзэм къыхагъэкIыжри, я унэм къэкIуэжащ, икIи
занщIэу еувэлIащ фIыуэ илъагъу и IэнатIэм - сабийхэр гъэсэным. Илъэс 43-кIэ ар и къару емыблэжу къуажэ школым щылэжьащ, ныбжьыщIэ куэдым хьэл-щэн дахэ, гъэсэныгъэ ябгъэдилъхьащ. ЕгъэджакIуэ лэжьыгъэм къыдэкIуэу абы «Кэнжэ» совхозым и политкружокым и унафэщI къалэнри ирихьэкIащ. ЗэрылэжьакIуэ жыджэрым папщIэ Хьэмгъуокъум къыхуагъэфэщауэ щытащ Къэбэрдей-Балъкъэрым и Совет Нэхъыщхьэм и Президиумым и ЩІыхь тхылъхэр.
Пенсэм щынэсами, зигъэпсэхуу щысакъым Хьэсит. Абы зэрыхузэфIэкIкIэ къэралым, цIыхухэм я сэбэп зэрихуащ. Налшык къалэм дэт телефон станцым щылэжьащ.
Лэжьыгъэ IэнатIэми и унагъуэми щыщапхъэу, щIалэгъуалэм я гъэсакIуэ, ущиякIуэ емызэшу псэуащ.
Хьэситрэ и щхьэгъусэ Къалэгуащэрэ я бынихри гъащIэм и гъуэгу захуэм трагъэуващ, лажьэу, шхэжу, сэбэп хъуным щIапIыкIащ.
Зауэмрэ лэжьыгъэмрэ я ветеран Хьэмгъуокъу Хьэсит нобэ къытхэмытыжми (и Iахърэтыр нэху Тхьэм ищI), и фэеплъ дахэр ди гъусэщ. Хьэсит щIэбэнащ Хэкум, цIыхубэм я насыпым. ЗауэлI хахуэм, лэжьакIуэшхуэм хиша лъагъуэм ирокIуэ абы къыщIэна щIэблэ дахэр.